“ O aragonés no ye un pueblo viajero. Son poqués os aragoneses
que s´en van a recorré o mundo y os que lo fan , no pierden as
raíces suyas jamás”
O fenómeno migratorio fue muito importan en Aragón dende o
zaguero cuarto d´o sieglo XIX dica mediaus años 70 d´o sieglo
XX.
Aragón quedó fincau entre dos zonas que amostroron muita
removida: a costa barcelonesa y o país vasco marítimo;
zarrando o rectángulo, lugás como Madrid y Valencia. Asina en
a segunda metá d´o siegloXIX y o primé tercio d´o sieglo XX
bistá que fe notá a crisis d´as zonas de montaña : crisis d´os
pilás d´a economía tradicional; trashumancia d´os ganaus,
agricultura de subsistencia e industria textil tradicional. To
isto fició qu´a situación d´ixos lugás se tornará muito
deficil.
Ye menisté resaltá qu´a emigración aragonesa enta América fue
chicorrona, siendo muito mas gran enta otros lugás de España
(Barcelona, Valencia, Madrid y especialmen Zaragoza) porque no
bistaba tradición migratoria al otro lau d´o mar, ni redes
familiars y valeba muitos dinés.
Entre 1880 y 1936 Argentina ,debiu a su grandaz creximiento
económico, ocupa o primé lugá de plegada d´emigrans aragoneses
y tamién de 1949 dica 1960 crexe o número por as dificultás
económicas d´España y a firma d´o Convenio Migratorio de 1948,
con o que se podeba obtené mas facilmen o pasaporte . A partí
de 1972 a mejora d´a economía y a competencia d´otros destinos
europeos fan que s´acabe.
Os que s´en fueron continaban teniendo en o corazón suyo a
tierra que les viyó naxé, Aragón. Asina que fundoron
Agrupacions como “O Círculo d´Aragón”de Buenos Aires que plegó
a tené 355 socios, una rondalla, conjunto de baile ….. En 1920
“A Revista Aragón” que valeba pa mantene chunión con Aragón y
entre os aragoneses que viviban en Argentina. Tamién bistaba
otro Centro Aragonés en Rosario de Santa Fé (1917), entre os
fundadós están os ansotanos Joaquín Navarro, Antonio Añaños ,
Marcos Brun.. En tos se celebraba con muito goyo o Día d´o
Pilar.
|
|
Dimpués d´a 2ª guerra mundial ye
Venezuela qui ocupa o primé lugá (años 50 y 60) debiu a:
- A puyada d´o petroleo que teneba necesidá de muitos
treballadós.
-A política migratoria: Os gobiernos de 1935 y 1945
favorecioron a plegada d´emigrans de raza blanca, de fácil
integración en o país, sin ideas políticas y que tenieran
güena mano pa poblá y fé producí o campo. Tamién promulgoron
leis: “Ley d´emigración y colonización” 1936 y Ley de
Extranjeros 1937 y creoron A Comisión Nacional d´Emigración
(segunda meta d´os años 40). A crisis d´o petróleo y a
competencia d´otros lugás europeos fan qu´a partí de finals
d´os 50 isto s´acabe.
Al comencipiá o sieglo XX s´en fueron muitos mas varons y al
avanzá o sieglo lo ficioron más mullés por a emigración
familiar y porque bistaba treballos pa ellas en as grans
ciudás.
Muitos emigrans estaban vinculaus a fainas agrícolas aunque
pasoron a fé treballos en as ciudás muito mejó pagaus. |
